Бидний тухай

Захирлын мэндчилгээ

Та бүхний амар амгаланг айлтгаж “НАХИА ИМПЕКС” ХХК-ийн хамт олныхоо өмнөөс хамгийн сайн сайхан бүхнийг хүсэн мэндчилье.

Манай “НАХИА ИМПЕКС”ХХК нь 1994 онд байгуулагдсан үеэсээ эхлэн хэрэглэгчиддээ чанартай өндөр идэвхтэй, аюулгүй, боломжийн үнэ өртөгтэй, зайлшгүй шаардлагатай эмээр байнга тасралтгүй хангаж ирсэн эмийн үйлдвэрлэл худалдааны тэргүүлэх компаний нэг билээ.Байгуулагдсан үеэсээ эхлэн үйлчилгээний соёлоо дээшлүүлж, үйлдвэрлэлийн нөхцөлөө сайжруулж, боловсон хүчнээ улам чадавхжуулж, бүтээгдэхүүнийхээ чанарыг дээд төвшинд байлгаж, нэр төрлийг нь олшруулахын хамт, гадаадын үйлдвэрүүдийн Монгол улсад бүртгэлтэй чанартай эмээр хэрэглэгч та бүхнийхээ хэрэгцээг хангахад ихээхэн анхаарч ажиллаж байна.

Цаашдаа бидний хамтын ажиллагаа улам өргөжин гэж итгэж байна.Энэ хугацаанд биднийг дэмжиж, манай компанид итгэж, биднээр үйлчлүүлж ирсэн олон түмэндээ эрүүл энх, сайн сайхан бүхнийг хүсье.

Зорилго

Бид хүн ардынхаа эрүүл энхийн төлөө чанар, аюулгүй байдал нь баталгаажсан орчин үеийн технологиор, өндөр идэвхитэй эмийг үйлдвэрлэгч Монгол улсын тэргүүлэгч компани байна.

Бидний тухай

1994 оноос тасралтгүй үйл ажиллагаа явуулж байгаа. Монгол улсын эмийн үйлдвэрлэл худалдааны салбарын анхдагч компанийн нэг юм. Манай компани Эмийн үйлдвэрлэлийн алба, Санхүүгийн алба, Борлуулалт маркетингийн алба гэсэн бүтэц зохион байгуулалттай, 110 ажилтан албан хаагчидтайгаар  ажиллаж байна. Байгуулагдсанаасаа хойш шахмал, үрэл, гален, ороох боох материал, туншилтай тариа, флаконтой тарилгын нунтаг зэрэг 70 гаруй нэр төрлийн бүтээгдэхүүн үйлдвэрлэж байгаа ба үүнээс монгол улсын эмийн бүртгэлд 59 нэрийн эм бүртгүүлснээс 37 нэрийн эм үйлдвэрлэж байна. 2006, 2014, 2017 онуудад үйлдвэрлэлээ өргөтгөж 16 нэрийн тарилгын уусмал, 3 нэрийн тарилгын антибиотикийг эм үйлдвэрлэлийн GMP-ийн шаардлага хангасан байранд мэргэшсэн баг хамт олон үйлдвэрлэдэг. Түүнчлэн ОХУ, БНХАУ, Энэтхэг, Герман, Солонгос, Малайз, Вьетнам улсуудын эм үйлдвэрлэгч компаниудаас эм эмнэлгийн хэрэгсэл импортолж байна.

Бидний тухай
Эм үйлдвэрлэл

Эм үйлдвэрлэл

Анх уламжлалт эм, гален, үрлэн эмийн тасагтай үйлдвэрлэлээ эхэлсэн бол 1995 онд шахмал эм, 1997 онд туншилтай эмийн тасаг, 2006, 2014 онд тарилгын антибиотикийн тасгаар тус тус үйлдвэрлэлээ өргөжүүлсэн. Олон улсын эм үйлдвэрлэлийн жишиг GMP-ийн шаардлагад нийцсэн зохион байгуулалттай, бэлтгэгдсэн боловсон хүчинтэй, шинэ техник, технологитой дараа дараагийн үйлдвэрийн хэсгүүддээ байнгын шинэчлэлт хийж байна.

Чанарын хяналтын алба

Эмийн үйлдвэрийн чанарын хяналтын алба нь эмийн түүхий эдээс эхлээд үйлдвэрлэлийн шат дамжлага бүрт хяналт тавьж, завсрын болон эцсийн бүтээгдэхүүний чанарт хими физик, микробиологийн шинжилгээг MNS:17025 стандартаар итгэмжлэгдсэн лабораторид хийж баталгаажуулахаас гадна ажлын байрны нөхцөл, агаар, усны орчин, ажилчдын эрүүл ахуйн байдалд байнга хяналт тавьж, шаардагдах нөхцөлийг бүрдүүлж ажилладаг  хамгийн чухал хэсэг нь чанарын хяналт юм. Бид байгууллагынхаа хэлтэс бүрт дотоод хяналтыг тогтмол, үр дүнтэй зохион байгуулснаар учирч болох аливаа эрсдэлийг бууруулдаг.

ЭХНБ

Эмчилгээний өндөр идэвхтэй, аюулгүй, чанарын баталгаатай эм, эмнэлгийн хэрэгслийг эмнэлэг, эмийн санд бөөний үнээр нийлүүлэх үйл ажиллагааг мэргэжлийн төвшинд гүйцэтгэх, хадгалалт, түгээлтийн зохистой дадлыг нэвтрүүлсэн тусгай зөвшөөрөл бүхий байгууллагыг хэлнэ.

Агуулах: Тусгай зөвшөөрөл бүхий ханган нийлүүлэх байгууллагын нийлүүлсэн эм, эмнэлгийн хэрэгслийг түгээлтэд гартал үйлдвэрлэгчийн заасан хадгалалтын горимд нийцүүлэн чанарыг алдагдуулахгүйгээр хадгалах зориулалтын байр.

Хадгалалт: Эм, эмнэлгийн хэрэгслийг хэрэглэх хүртэл чанарыг алдагдуулахгүйгээр хадгалах үйл ажиллагааг хэлнэ. НАХИА ИМПЕКС ХХК-нийн 3 ЭХНТөв нь иргэдэд эмчилгээний өндөр идэвхтэй, аюулгүй, чанарын баталгаатай эм ханган нийлүүлэхийн төлөө ЭХНТ-ийн стандарт MNS5530:2011 шаардлагыг ханган тогтмол үйл ажиллагаатай ажиллаж байна. Бид нийт 1500 гаруй харилцагчидтай байнгын тогтвортой хамтарч, эм ханган нийлүүлж байгаагаас 310 орчим улсын эмнэлэг /Улсын Нэгдсэн Эмнэлэг, дүүргийн эмнэлэг,  БОЭТ, сумын болон сум дундын эмнэлэг/, 290 орчим ЭХНТ, 1000 орчим эмийн сан, хувийн хэвшлүүдтэй хамтран ажиллаж байна.

Эмийн сан

Манай эмийн сангууд нь өөрийн болон бусад ЭХНБ-аас Монгол улсын бүртгэлд бүртгэгдсэн эм, эмнэлгийн хэрэгслээр хүн ам, эрүүл мэндийн байгууллагыг хангаж, эм зүйн мэргэжлийн тусламж үзүүлнэ.

НАХИА ИМПЕКС ХХК нь 8 эмийн сангийн салбартайгаар үйл ажиллагаагаа явуулж байна. Нахиа-Эмийн сангууд нь Эрүүл мэндийн даатгалын сангаас үнийн хөнгөлөлт олгох эмээр үйлчилж тасралтгүй ханган тогтмол үйл ажиллагаагаа явуулж байна.
Түүнчлэн эмч, эмнэлгийн мэргэжилтэн, ард иргэдэд эмийн зохистой хэрэглээний талаар байнгын мэдээллийг төрөл бүрийн хэлбэрээр явуулж байна.

Эрдэм шинжилгээний алба

Манай алба нь 2010 оноос байгуулагдаж ажиллаж эхэлсэн.
Эрдэм шинжилгээний албаны давуу тал:

  • Япон улсын Шимацу компанийн HPLC өндөр идэвхит шингэний хроматограф болон бусад тоног төхөөрөмжөөр бүтээгдэхүүний чанарыг баталгаажуулдаг
  • Монгол улсын анхдагч тарилгын антибиотик үйлдвэрлэгч
  • Олон улсын стандартаар хүлээн зөвшөөрөгдсөн бүрэн автомат антибиотик савлах шугамаар эм үйлдвэрлэл явагддаг
  • Бүх эмийн түүхий эдийг ОУ-ын GMP-ын шаардлага хангасан үйлдвэрүүдээс татан авдаг
  • Мэргэжлээрээ салбартаа 15-с дээш жил ажилласан мэргэшсэн боловсон хүчнүүдтэй
  • Үйлдвэрлэлийн зохистой орчныг стандартын дагуу бүрдүүлж чадсан

Эмийн хяналт

Нахиа импекс ХХК  хэрэглэгчиддээ чанарын өндөр идэвхтэй, аюулгүй, боломжийн үнэ өртөгтэй бүтээгдэхүүнээ тасралтгүйгээр хүргэсээр ирлээ.  Бидний зорилгийн нэгээхэн хэсэг бол бүтээгдэхүүнийхээ чанар аюулгүй байдлыг хянах, үр дүнгийн талаарх мэдээлэл цуглуулах байдаг.

Хэрвээ танд Нахиа импекс ХХК-ийн үйлдвэрлэдэг болон импортлодог бүтээгдэхүүний гаж нөлөөний талаар мэдээлэл байвал холбогдох сайт, утсаар холбоо барина уу!

Биднийг дэмжиж хамтран ажилласан танд баярлалаа.  Мэдээллийн дагуу таньтай бид холбогдох болно.

Бүтэц